ថ្ងៃសុក្រទី២៩ខែកញ្ញាឆ្នាំ២០១៧នេះ នៅទីតាំងភូមិគគីរ ឃុំគគីរ ស្រុករមាសហែក នៃខេត្តស្វាយរៀង មន្ត្រីជំនាញនិងថ្នាក់ដឹកនាំនៃអាជ្ញាធរគីមី អង្គភាពសុីម៉ាក់ និងអាជ្ញាធរមូលដ្ឋាន នឹងសិក្សាផែនការលំអិតក្នុងការធានាសន្តិសុខ សណ្តាប់ធ្នាប់និងជាពិសសគិតគូរធានាសុវត្ថិភាពប្រជាពលរដ្ឋក្នុងពេលប្រតិបតិ្តការដោះបន្សាបគ្រាប់បែកគីមី និងវេចខ្ចប់គ្រាប់បែកនោះដើម្បីដឹកជញ្ជូនទៅទីកន្លែងសុវត្ថិភាព។
ក្រោយពីបានរង់ចាំជាច្រើនខែ ហើយឥឡូវនេះក្មួយៗសិស្សានុសិស្សបានសំរាកវិស្សមកាលដូចនេះជាឱកាសល្អសំរាប់ធ្វើប្រតិបតិ្តការ។ សូមបញ្ជាក់ថា តាមលក្ខណះបច្ចេកទេសគ្រាប់បែកទាំងនេះ មិនអាចធ្វើការកំទេចចោលនៅនឹងកន្លែងបានទេ ហើយតាមគោលការណ៍សុវត្ថិភាពក្នុងប្រតិបតិ្តការចាំបាច់ត្រូវតែជន្លៀសមនុស្សតាមការកំណត់ចំងាយសុវតិ្ថភាព! ហានិភ័យខ្ពស់ ចំងាយសុវត្ថិភាពកាន់តែឆ្ងាយ! កំលាំងជំនាញនឹងខិតខំអស់សមត្ថភាពក្នុងការដោះបន្សាប តែការបង្កាគ្រោះថ្នាក់ដោយសារបច្ចយ័អាក្រក់បំផុតណាមួយកើតឡើងត្រូវតែមានវិធានការជាមុន! កិច្ចប្រតិបតិ្តការអាចនឹងចាប់ផ្តើមនៅដើមសប្តាហ៍ក្រោយនេះ!
សូមអំពាវនាវ ប្រជាពលរដ្ឋនិងអាជ្ញាធរមូលដ្ឋានទាំងអស់ស្ថិតនៅតំបន់ប្រតិបតិ្តការនេះ សូមមេត្តាស្តាប់តាមការណែនាំរបស់មន្ត្រីអាជ្ញាធរគីមីនិងមន្ត្រីសុីម៉ាក់ដែលនឹងបើកប្រតិបតិ្តការបោសសំអាតគ្រាប់បែកទាំង២គ្រាប់នោះ! អាជ្ញាធរគីមី និងសុីម៉ាក់នឹងចាប់ផ្តើមបញ្ជូនឧបករណ៍បំរើប្រតិបតិ្តការនៅថ្ងៃសៅរ៍និងថ្ងៃអាទិត្យនៅក្នុងសប្តាហ៍នេះ!
ប្រភព៖ Facebook page: Heng Ratana
No comments:
Post a Comment